السلام عليكم ورحمه الله وبركاته..
النهارده جايبالكم وصفة إنما ايه حلوة اوى وهتعجبكم كلنا بنحبها سواء كبار وصغار بس مش بنعرف نعملها..
طريقة عمل الاكلير:
بالنسبه للعجينه بتحطي كوبايتين مايه على نص كوبايه زيت وتحطيهم على البوتجاز لغايه ما يغلو وبعدين تحطي كوبايتين دقيق وتقلبي لغايه ما كله يتلم على بعضه وتبقا زي كوره....بتطلعيها من الحله لطبق وتسبيها تبرد خالص وبعدين تحطي عليها ٦ بيضات ... بتحطي بيضه وتعجني لغايه ما تختفي تحطي اللي بعدها وبعد ما تخلصي البيض بتحطي نص معلقه صغيره فانيليا ....وبعدين تحطيها في كيس الحلويات و تشكليها زي ما تحبي
بالنسبه للتسويه ..بتكوني مسخنه الفرن وفتحاه من تحت والمروحه بتاع الفرن لو موجوده ويدخل على حراره عاليه اول ١٠ دقايق علشان ينفش وبعد كدا تهدي النار علشان ميبقاش معجن من جوه والفرن ميتفتحش عليه خالص تكنيك التسويه ده مهم جدا
الحشو :
هنحشيه كاسترد ونزينه بالشكولاته بيبقى تحفه
ألف هنا..
تعليقات
إرسال تعليق